لن انساكِ
ـــــــــــــــــ
فاكره لما تبعدي انساكِ و اسلم
مش حكتب شعر ليكِ واتكلم
يا ريت كان بايدي
بس غرامك دم في وريدي
عارف بعدك ضعف منك
عارف ان حبك ليا غصب عنك
مهما دريتي وخبيتي
باين في عنيكِ
من هروبك من ردودك
من رعشه ايديكِ
كل حاجه فيكي
بتقول بحبك
حتي صمتك وسكوتك
بيصرخ باعلي صوتك
بحبك
خليكي علي عنادك
خليكي في عذابك
ان كان عليا
اتعودت علي غيابك
عايش درويش في رحابك
عابر سبيل علي بابك
خايف عليكي
يضيع الحب بايديكِ
وترجعي تندمي لما يمر العمر
وسنين شبابك تمر
وساعتها تعرفي ايه طعم المر
وتبصي حواليكِ
تلقي نهارك زي لياليكِ
لا أمل ولا جديد
غير الذكريات والملل
هما صديقك الوحيد
ـــــــــــ
بقلمي ...حسن الذاكي
https://www.alsh3r.com/poem/55331
ليست هناك تعليقات:
إرسال تعليق