مش عادي

مش عادي
ـــــــــــــــــــــــــــ
مش عادي
تشتم تقتل في ولادي
تحرق ودمر في بلادي
مش عادي
تشرب من نيلها
وتسرق من خيرها
مش عادي
انت مين فيهم
بلطجي ولا ارهابي
وبتقتل مين يا حزين
ما كلنا في المركب راكبين
لو غرقت مش حتفرق
بين مين ولا مين
فين ضميرك فين دينك
ومين اللي وخدينك
لسكة الشطان
اكيد ناس ملهاش
هويه ولا اوطان
طول ما احنا متفرقين
ومن الامان محرومين
مفيش عمل ولا تنميه
وبدل ما نتقدم خطوه
نرجع ميه
وفين الايد اللي تبني
وسط الخراب والالام
وسط الفرقه والانقسام
لو عايز تقول رأيك قول
بس باحترام
الحريه مش حرام
يعني اسمع كلامك
وأنت كمان تسمع الكلام
عشان نعيش انا وانت في سلام
لازم نحب بعض
وننسي الأنتقام

ــــــــــــــــ

 بقلمي""حسن الذاكي""

https://www.alsh3r.com/poem/55351
http://www.hamasatdamad.com/vb/t86368.htm
l