لو حبتيني
ــــــــــــ
لو حبتيني
كنتِ حستيني
كنتِ حسيتي بشوقي وبحنيني
لاكن عمرك محبتيني
انتِ حبيتي فيا كلامي
حبيتي فيا حبي ليكِ
واهتمامي
حبيتي قصايدي اللي كتبها فيكِي
حبيتي الحنان اللي في سلامي
وطبطبت ايدي عليكي
كان متعتك عذابي والامي
ازاي تكوني ليا ذاتي
واغلي من حياتي
وفي نفس الوقت
سبب معاناتي
شفت معاكِ العذاب
كبرت سنين فوق سنيني
حتي شعري شاب
مش عارف إن كنت شيخ
ولا لسه شباب
لو عاتبت او سالت
مفيش جواب
كل شيء بحساب
كل كلمه ما بينا
تتحول للوم وعتاب
حبيبتي
الحب احساس
مش كلام وخلاص
الحب وفاء واخلاص
يعني تاخد وتدي
ودقات قلب
عندك وعندي
مش جراح مكانها قلبي
بس لسه اسيرك وبدوب فيكي
لسه بكتب كل قصايدي في عنيكي
ـــــــــــــــ
بقلمي (حسن الذاكي)
ليست هناك تعليقات:
إرسال تعليق